jump to navigation

జై తెలంగాణ : పల్లా నరేంద్ర డిసెంబర్ 31, 2009

Posted by Telangana Utsav in agitation, Andhra, Congress, Culture, Godavari, Hyderabad, Identity, livelihoods, Mulki, Poetry & Songs, politics, Rayalaseema, regionalism, Settler, Sonia, TDP, Telangana, Telugu, Telugu (తెలుగు), TRS.
trackback

జై తెలంగాణ
పల్లా నరేంద్ర

జై తెలంగాణ జై జై తెలంగాణ
నాల్గుకోట్ల ప్రజల గుండెకోత తెలంగాణ
జై తెలంగాణ జై జై తెలంగాణ
ఆరు దశాబ్దాల అణచివేత తెలంగాణ

పదవులపై కొలువులపై వనరులపై సంపదపై
స్వార్ధ దురాక్రమణకు ప్రతిఘటన తెలంగాణ
తమ ఉనికిని, తమ కళలను సంస్కృతిని
కాపాడే యజ్ఞమే నిలువెత్తు తెలంగాణ || జై తెలంగాణ ||

కాదు తెలంగాణ ఒక నిరాధార నినాదం
కాదు తెలంగాణ ఒక వేర్పాటు వాదం
కాదు తెలంగాణ ఒక రాజకీయ వివాదం
కాదు తెలంగాణ ఒక సామాజిక భేదం

అధినేతల దుర్నీతితో మతితప్పిన పాలనతో
అధికారుల అవినీతితో గతితప్పిన ప్రగతితో
అడుగడున మాటతప్పి రాజకీయ వంచనతో
అన్నదమ్ములనుకుంటూనే అప్రకతిత విభజనతో
అసమానత మితిమీరగ అణగారిన ఆర్తజనం
అసహాయతనధిగమించగ పెల్లుబికిన ప్రభంజనం || జై తెలంగాణ ||

కాదు తెలంగాణ ఒక తాత్కాలిక తరంగం
కాదు తెలంగాణ ఒక విద్యార్థుల వీరంగం
కాదు తెలంగాణ ఒక ఉద్యోగుల ఆకర్షణ
కాదు తెలంగాణ ఒక బలహీనుల ఆక్రందన

పరవనరులపై వాలి పరాన్నభుక్కులై బతికి
చేరదీసిన వాళ్ళను చెరచేసే దాష్టీకం
భాషా సంస్కృతులను అదేపనిగ వెక్కిరించి
తెలుగైనా వెలుగైనా తమదేనను కల్మషం
తమ ఆస్తులపై ప్రేమతో ఆప్తులమను కాపట్యం
చిరకాలపు నాటకాల తెరదించె చరమాంకం || జై తెలంగాణ ||

కాదు తెలంగాణ ఒక పదవీ వ్యామోహం
కాదు తెలంగాణ సాగునీటి దాహం
కాదు తెలంగాణ ఒక మావోయిస్టు వ్యూహం
కాదు తెలంగాణ ఒక తెగిపోయే స్నేహం

సాయమేమి లేకున్న యవసాయం మానుకోని
గిట్టుబాటు పట్టులేని యెట్టిబతుకు మెట్టరైతు
నగ్నమవగ తమ బతుకులు అగ్నిగుండమై గుండెలు
చేజేతుల ఉరితాళ్ళను నేస్తున్న నేతగాళ్ళు
వలస బాట పూట పూట బతుకులీడ్చు నిరుపేదలు
పిక్కటిల్లు దిక్కులన్ని పెట్టు బతుకు హక్కుకేక || జై తెలంగాణ ||

Palla Narendra Jan 1, 2010

ప్రకటనలు

వ్యాఖ్యలు»

1. gyaunnrraje - జనవరి 5, 2010

Thank Q Palla Narendra garu ,Chaala baga rasaaru.Meeanti vallu telangana prajalanu elanti rachanala dwara utteja parachi telangana erpaatu ku todpadalani ashistunna. Jai Telangana.


స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: